Што се случува со акциите и акционерите во случај на стечај на Акционерско друштво?!
Постапка за намирување на акционерите во стечајна постапка:
Според Законот за стечај, акционерите во стечајна постапка имаат право на дел од остатокот од стечајната маса, доколку по задоволувањето на побарувањата на доверителите останат средства. Меѓутоа, ова право не е автоматско и акционерите мораат да го пријават своето побарување во стечајната постапка, согласно со рокот и условите утврдени во огласот за отворање на стечајната постапка.
Член 87 од Законот за стечај предвидува дека сите доверители, вклучително и акционерите, се должни да ја постават својата пријава за побарувањето до стечајниот управник во рокот што е определен со огласот за отворање на стечајната постапка. Пријавата треба да биде целосна и да ги содржи сите потребни податоци, како што се износот на побарувањето, правната основа и доказите за побарувањето (вклучувајќи и доказ за обезбедени побарувања ако има такви).
Во случај на обични акции, акционерите ќе имаат право на дел од остатокот од стечајната маса само ако има средства за тоа, а приоритетните акции може да имаат повластени права при наплатата, во зависност од условите предвидени во статутот на друштвото.
Важно е да се нагласи дека доверителите кои не го пријават своето побарување во предвидениот рок, не ќе имаат право да учествуваат во распределбата на стечајната маса. Стечајниот управник е должен да го истражи и испита секое пријавено побарување и да го разгледа во согласност со одредбите од Законот за стечај.
Пропуштањето на рокот за пријавување на побарувањето може да доведе до отфрлање на пријавата како ненавремена, што би го спречило акционерот да оствари било какво право на исплата од стечајната маса.